د ماشومانو د حقونو فعال او د فوق العاده استعداد څښتن سباوون ننګرهاری وستايل شو.
د مخابراتو او مالوماتي ټيکنالوجۍ سرپرست وزير انجينر سيد احمد شاه سادات د ماشومانو د حقونو فعال، د عالي ذهانت څښتن او د پوهنتون تر ټولو کم عمره استاد سباوون ننګرهاري سره وليدل. سرپرست وزير د سباوون ننګرهاري استعداد وستايه او د افغانستان لپاره يې د نېک شهرت ګټلو له امله د هغه مننه وکړه.
سباوون ننګرهاري ښوونځيو او ليسو ته د انټرنيټ په رسولو ټينګار وکړ او د مالوماتي ټينکالوجۍ په برخه کې يې ماشومانو ته د ښوونې ژمنه وکړه. سرپرست وزير ښوونځيو او ليسو ته د انټرنيټ د رسولو په اړه په خپلو پلانونو خبرې وکړې او تر څنګ يې سباوون ننګرهاري ته د ټيليکام په برخه کې د افتخاري سلاکارۍ وړانديز هم وکړ.
په پای کې د سرپرست وزير لخوا ستاينليک ورکړل شو.
