د فاریاب ولایت د مخابراتو او معلوماتي ټکنالوجۍ نوی رئیس په رسمي ډول کار پیل کړ
د فاریاب ولایت د مخابراتو او معلوماتي ټکنالوجۍ نوي رئیس ښاغلي محمد یونس شفق د یوې غونډې په ترڅ کې چې د فاریاب ولایت د بشري سرچینو رئیس ښاغلي اسلام الدین حاتمي، د مخابراتو او معلوماتي ټکنالوجۍ پخوانی رئیس ښاغلي محمد حسن کهزاد او د ولایت چارواکو او مخورو په ګډون جوړه شوې وه معرفي شو.
په دې ناسته کې ښاغلي حاتمي د پخواني رئیس محمد حسن کهزاد هڅې وستایلې او نوي رئیس ته یې د دندو په ترسره کولو کې د بریا هیله وکړه او د دې ادارې په کار کې یې د لا همغږۍ غوښتنه وکړه.
ښاغلي شفق په خپلو خبرو کې ژمنه وکړه چې خلکو ته به د معلوماتي ټکنالوجۍ په برخو کې د ښو خدمتونو وړاندې کولو او د بریښنایي حکومتوالی ځواکمنولو لپاره په جدي ډول کار کوي.
