دایکنډي ولايت په سنګتخت ولسوالۍ کې د یوه مخابراتي سایټ د جوړولو سروې ترسره شوه
د هیواد محرومو سیمو ته د مخابراتي او انټرنټي آسانتیاو د برابرولو په موخه د دایکنډي ولايت سنګتخت ولسوالۍ په چهار قل میری کلي کې د سلام مخابرتي شبکې یو سایټ چې د مخابراتو او معلوماتي ټکنالوجۍ وزارت له لوري منظور شوی و د اټرا ادارې د لسمې پروژې ټي ډي اف په مرسته جوړیږي د یاد ولایت د مخابراتو او معلوماتي ټکنالوجۍ ریاست د مسلکي او تخنیکي ټیم له لوري یې سروې ترسره شوه او د جوړولو عملي چارې به یې هم ژر پیل شي.
د یادونې وړ ده د یاد مخابراتي سایټ په جوړیدو سره به د دایکڼدي ولایت سنګتخت ولسوالۍ اوسېدونکو مکالماتي او انټرنټي ستونزې حل شي.
