په پنجشیر ولایت کې د جوازونو د اعتبار موده او د راډیو او ټلویزیون د فریکونسو د اخلال د مخنیوي په موخه د فلټرونو نصبول وڅیړل شول
د پنجشیر ولایت د مخابراتو او معلوماتي ټکنالوجۍ ریاست او د اترا ادارې ګډ مسلکي ټیم د پنجشیر ولایت په مرکز کې د راډیویي/ تلویزیونی فریکونسيو جوازونو د اعتبار او د فریکونسیو د اخلال د مخنیوي په موخه د بانډپاس فلترونو د نصب د ارزونې لپاره څارنه تر سره کړه.
د دې څارنې په ترڅ کې د پنجشیر ولایت محلی تلویزیونونو/ راډیوګانو مسوولینو ته چې د جواز موده یې پای ته رسیږي، لارښوونه وشوه چې د قوانینو او مقرراتو سره سم خپل جوازونه نوي کړي، د راډیوګانو له هغه بینډ ویت څخه چې د آټرا ادارې له خوا دوی ته ورکړل شوي ګټه واخلي او خپل ټول اړوند ټاورونه دې له کړنلارې سره سم د اترا په مرکزي دفتر کې ثبت کړي.
او همدارنګه لارښونه وشوه چی په خپلو ټاورونوکی د بانډپاس فلټر دستګاه نصب کړي ترڅو د فریکونسیو له ګډوډي څه مخنیوی وشی.
د يادونې وړ ده، چې د يادو تلویزیونو/راډيوګانو مسوولينو ژمنه وکړه، چې خپلې چارې به د اترا ادارې له کړنلارې سره سم پرمخ وړي.
