د دایکندي ولایت پاتو ولسوالۍ کې د سلام مخابراتي شبکې ۳ آنټنونه فعال او ګټې اخیستنې ته وسپارل شول
د دایکندي ولایت د لرو پرتو سیمو د پوښښ په موخه د افغان ټلیکام مخابراتي شرکت د سلام شبکې ۳ آنټنونه چې موده وړاندې یې رغنیزې چارې پیل شوې وې د رغنیزو چارو له بشپړېدو وروسته فعال او ګټې اخیستنې ته وسپارل شول.
یاد مخابراتي آنټنونه د دایکندي ولایت پاتو ولسوالۍ قخر، برمنیَ او تمزان کلیو کې د مخابراتي پوښښ او محرومو سیمو د پوښښ په موخه د مخابراتي خدمتونو د تنظیم ادارې د لسمې پروژې په مالي لګښت ګټې اخیستنې ته وسپارل شول چې په ۲جی او ۳جی ټکنالوجۍ سمبال دي او لنډه موده کې به یې ظرفیت ۴جی ته هم ارتقاء وکړي.
د یادونې وړ ده دایکندي ولایت د هېواد یو له هغو برخو څخه و چې تر ډېره بریده یې مخابراتي ستونزې درلودې او ډیری برخه اوسېدونکي یې له انټرنټي او مکالماتي آسانتیاو بې برخې وو چې اوس مهال په یاد ولایت کې ۸ مخابراتي آنټنونه نوي فعاله شوي او د ګڼ شمېر نورو مخابراتي آنټنونو رغنیزې چارې روانې دي.
