پروان ولایت مرکز چاریکارو ښار کې دوه مخابراتي سایټونه جوړ او ګټې اخیستنې ته وسپارل شول
د پروان ولایت د مخابراتو او معلوماتي ټکنالوجۍ ریاست او د مخابراتي خدمتونو د تیظیم (اترا) ادارې په ګډو هڅو او د روشن مخابراتي شرکت له لوري د یاد ولایت چاریکارو ښارد ښوونکو ښارګوټي اړوند هوفینان سیمه کې یو مخابراتي سایټ او د اټوما مخابراتي شرکت له لوري د چاریکارو ښارشپږمه ناحیه کې چې په ۴جي تجهیزاتو سمبال دي فعال او ګټې اخیستنې ته وسپارل شول.
د دغو سایټونو په فعالېدو سره، د یادو سیمو اوسېدونکي به د لوړ کیفیت مکالماتي او انټرنټي خدمتونو ته لاسرسی ومومي او په دې برخه کې به یې ستونزې حل شي.
