میدان وردګ ولایت کې د سلام مخابراتي شبکې یو سایټ جوړ او ګتې اخیستنې ته وسپارل شو
هیوادوالو ته د مخابراتی چوپړ برابرولو په موخه د میدان وردګ ولایت چک ولسوالۍ عربانو درې سیمه کې د سلام مخابراتي شبکې یو سایټ، چې د ۳جي پرمختللې ټکنالوژۍ سمبال دی د مخابراتو او معلوماتي ټکنالوژۍ د اترا ادارې د ټي ډي اف لسمې پروژې له لارې جوړ او ګتې اخیستنې ته وسپارل شو.
د سلام مخابراتي شبکې د دغه سایټ په فعالېدو سره به د یادې او شاوخوا سیمو وګړي مخابراتي او انټرنیټي خدمتونو ته لاسرسی ترلاسه او په دې برخه کې یې ستونزې حل شوې دي.
دیادونې وړده چې د یادو سیمو اوسېدونکو د دغه سایټ له فعالېدو څخه خوښي څرګنده کړه او دا یې د خپلو مخابراتي او انټرنیټي اړتیاوو د پوره کېدو، د اړیکو د ښه والي او د سیمې د پرمختګ لپاره یو مهم اقدام بللی دی.
