د غزني ولایت د مخابراتو رئیس او د مخابراتي شرکتونو مسؤلینو ترمنځ غونډه وشوه
دا غونډه د غزني ولایت د مخابراتو رئیس میرحسین طنین په حضور، د مخابراتي شرکتونو افغان ټلیکام، روشن، افغان بیسم، اتصالات او ام ټي ان او د اترا ادارې استازو په ګډون د ډېرې همغږۍ د آسانتیاوو رامنځ ته کولو د پراختیا په برخه کې د مخابراتي خدمتونو د ښه والي لپاره د دې ریاست د غونډو په تالار کې جوړه شوه.
میرحسین طنین د مخابراتو او معلوماتي ټکنالوجۍ د ستراتیژیکو هدفونو په اړه خبرې وکړې او د مخابراتي شرکتونو له مسؤلینو څخه یې د جدی همکارۍ او د هدفونو د پلي کولو غوښتنه وکړه.
ښاغلي طنین همدا رنګه د انټرنیټ د اهمیت د ښه والي او چټکوالي په اړه د موجوده شرایطو په پام کې نیولو سره چې ورځ په ورځ خلک د اړیکو د ټینګولو د وسیلو څخه ګټه اخلي خبرې وکړې او د مخابراتي شرکتونو له مسؤلینو څخه یې د دې ولایت لپاره د ۳ جي او ۴ جي انټرنیټ د جوړیدو په برخه کې د توجه غوښتنه وکړه او زیاته یې کړه چې د غزني ولایت په ټولو ځایونو کې باید د مخابراتي او انټرنیټي اسانتیاوو، پراختیا او مثبتو تغیراتو جدي لټه وشي.
همدا رنګه د غزني ولایت د مخابراتو رییس د انټرنیټي خدمتونو په اړه په اړوند ښار کې ټکي په ټکي د انټرنیټ په فعالولو ټینګار وکړ ترڅو ډیجیټل کول، سیستم جوړونې او بریښنایي حکومتوالۍ ته په دې ولایت کې زمینه برابره او ایجاد شي.
په پای کې د مخابراتي شرکتونو مسؤلینو ژمنه وکړه، چې مونږ به د غزني ولایت د مخابراتو ریاست څخه پریکنده ملاتړ کوو او په ټولې هڅې سره به ښه او اغیزمن خدمتونه د دې ولایت لپاره وړاندې کړو.
