موضوع: د افغانستان د انټرنېټ د تبادلې مرکز (نکسا) د پروژې د قرارداد د ورکړې د پرېکړې اعلان
Publish Date
Closing Date
په دې توګه د تدارکاتو قانون د درې څلوېښتمې مادې د (۲) فقرې له مخې عامو خلکو ته خبر ورکول کېږي، چې د مخابراتو او معلوماتي ټکنالوژۍ وزارت د افغانستان د انټرنېټ د تبادلې مرکز (NIXA) پروژه د «مایکروسیستمز» د معلوماتي او مخابراتي ټکنالوجۍ خدماتو شرکت ته چې په کابل ښار، تایمني دوهم سرک کې موقعیت لري، د ټولیزې مبلغې دیارلس میلیونه، اته سوه لس زره او څلور نوې (۱۳,۸۱۰,۰۹۴) افغانیو په ارزښت ورکړې ده.
هغه حقیقي او حکمي اشخاص چې په دې برخه کې هر ډول اعتراض ولري، کولای شي خپل اعتراض د دې اعلان د خپرېدو له نېټې څخه تر اوو تقویمي ورځو پورې په لیکلي ډول، له اړینو دلایلو سره یو ځای، د تدارکاتو ریاست ته چې د ۱۸-منزلې ودانۍ په څلورلسم منزل کې موقعیت لري، د تدارکاتو د قانون د پنځوسمې مادې د احکامو له مخې وسپاري.
یادونه کېږي چې دا اعلان د قرارداد د تړون معنا نه لري، او تر هغه چې پورته ټاکل شوی مهلت پوره نه شي او قانوني مرحلې بشپړې نه شي، قرارداد به لاسلیک نهشي والسلام.
الحاج ملا محمد حنیف "حمزه"
د مخابراتو او معلوماتي ټکنالوجۍ وزارت د مالي او اداري معین
