د پنجشیر ولایت د مخابراتو او معلوماتي ټکنالوجۍ ریاست د دیجیتلي مهارتونو له مرکز څخه ۷۰ تنه فارغ شول
د پنجشیر ولايت مخابراتو او معلوماتي ټکنالوجۍ رياست له لوري د کمپيوټري پروګرامونو (مایکروسافټ آفیس، وینډوز او انټرنېټ) په برخه کې، له شپږ مياشتنيو زده کړو وروسته ۷۰ تنو زده کوونکو ته بري ليکونه وويشل شول.
په هغه غونډه کې چې همدې مناسبت جوړه شوې وه د پنجشیر ولایت د مخابراتو او معلوماتي ټکنالوجۍ رئیس ښاغلي عبدالحمید نوري فارغ شویو ځوانانو ته د مبارکۍ ویلو ترڅنګ په اوسني عصر کې د معلوماتي ټکنالوجۍ په ارزښت او اړتیا خبرې وکړې. او همداراز ځوانان یې و هڅول چې د موجوده فرصت څخه د معلوماتي ټکنالوجۍ په برخه کې خپلې پوهې د پراختیا لپاره پوره ګټه واخلي.
د مخابراتو او معلوماتي ټکنالوجۍ وزارت د اوسني عصر اړتیا او د ټکنالوجۍ ارزښت ته په کتو د هېواد په ټولو ولایتونو کې د دیجیتلي مهارتونو مرکزونه جوړ او د ټکنالوجۍ په پرمختللو وسایلو سمبال کړي چې د مجربو ښوونکو له لوري هېوادوالو ته پکې په علمي او عملي ډول تدریس کېږي.
